news_header_top_970_100
news_header_bot_970_100

«Мөхәммәдия» мәдрәсәсе ректорының тагын бер урынбасары итеп Рөстәм Хәйруллин билгеләнде

«Мөхәммәдия» мәдрәсәсе ректорының тагын бер урынбасары итеп Рөстәм Хәйруллин билгеләнде
"Татар-информ" архивы

Бүген «Мөхәммәдия» мәдрәсәсендә узган педсовет утырышында ректорның тагын бер урынбасары буларак Казанның «Гаилә» мәчете имам-хатыйбы Рөстәм хәзрәт Хәйруллин тәкъдим ителгән.

«Мәдрәсәгә бәйле бөтен таратылган мәгълүмат дөрес түгел. Бернинди үзгәрешләр дә юк: Зөлфәт хәзрәт эшен дәвам итә, түләү шундый ук, тулай торак бар», - диде «Татар-информ» хәбәрчесенә Татарстан Диния нәзарәте матбугат үзәге җитәкчесе Резеда Закирова.

«Бердәнбер үзгәреш - мәдрәсә укытучыларына мөфтинең тагын бер урынбасары буларак Рөстәм хәзрәт Хәйруллин тәкъдим ителде», - дип бүгенге утырыш нәтиҗәләре белән таныштырды ул.

Резеда Закирова «Татар-информ» хәбәрчесе соравына җавап итеп, ике урынбасарнын тигез хокуклы булуын әйтте.

news_right_column_1_240_400
news_right_column_2_240_400
news_bot_970_100