Миңнеханов Татарстанның элекке финанс министры Гайзатуллинга «Дуслык» орденын тапшырды
Скопировать ссылку
Татарстан Рәисе Рөстәм Миңнеханов бүген иртән республиканың финанс министры вазифасыннан киткән Радик Гайзатуллинны «Дуслык» ордены белән бүләкләде. Бу хакта ТР Рәисенең матбугат хезмәте җитәкчесе Лилия Галимова хәбәр итте.
«Гадәти үтенеч – башка эшкә күчү. Уртак эшчәнлек өчен аңа (Радик Гайзатуллинга – Т-и иск.) ихлас күңелдән рәхмәт белдерәбез», - дип искәртте Рөстәм Миңнеханов.
«Мин аның белән әле районда да эшләдем. Алга таба яхшы эшләвен телик», - дип өстәде ТР Рәисе.
Республика җитәкчесе указы белән Марат Фәйзрахманов Татарстанның яңа финанс министры итеп билгеләнде.
ТР Рәисе матбугат хезмәте фотосы һәм видеосы