Миңнеханов Навоидагы уртак сәнәгать паркы турында: Төп мәсьәлә - инвесторлар эзләү
ТР Рәисе Рөстәм Миңнеханов «Навои» ирекле икътисади зонасы территориясендә Татарстан белән төзелә торган индустриаль паркны караганнан соң, проектны гамәлгә ашыру турында Навои өлкәсе җитәкчелеге белән фикер алышты. Бу хакта ТР Рәисе матбугат хезмәте җитәкчесе Лилия Галимова хәбәр итте.
Рөстәм Миңнеханов проект өчен Үзбәкстан Президенты Шәүкәт Мирзиёевка шәхсән хисап тотарга һәм аны гамәлгә ашыру юлларын төгәл үтәргә кирәклеген искәртте.
«Үзбәкстан белән хезмәттәшлегебезнең көн тәртибе гадәттәгечә бай. Республика катнашында эшләтеп җибәрелгән «Чирчик» һәм «Джизак» технопарклары уңышлы эшли. Хәзер шул исәптән Навои өлкәсендәге сәнәгать паркы да аерым игътибар үзәгендә», – диди ТР Рәисе.
Проект нигезендә Татарстанда беренче «Мастер» Кама индустриаль паркы тәҗрибәсе ята. Инициативаны гамәлгә ашырганда мәйданчыкка инвесторлар эзләү төп мәсьәлә булып кала, – диде Рөстәм Миңнеханов.