Милли Шура рәисе итеп янә Васил Шәйхразыев сайланды
Скопировать ссылку
Бүген Бөтендөнья татар конгрессының VIII съезды пленар утырышында Бөтендөнья татар конгрессының Милли Шура рәисе сайланды. Васил Шәйхразыев вәкаләтләрен алдагы биш елда дәвам итәчәк.
Делегатлар Васил Шәйхразыев өчен тавыш бирде. «Алдагы биш елда Президентыбыз ярдәме белән кулга кул тотышып, татар халкын бердәм итәргә насыйп итсен», – диде Шәйхразыев.
Аның кандидатурасын Россия Герое Дамир Йосыпов тәкъдим иткән иде.