Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Михаил Бабич КФУның химия институтында уникаль җиһаз белән танышты
Бу җиһаз - Казан университеты һәм Америка компаниясе белгечләренең уртак эшләнмәсе.
(Казан, 26 ноябрь, «Татар-информ», Арсений Маврин). Россия Президентының Идел буе федераль округындагы Тулы вәкаләтле вәкиле Михаил Бабич бүген КФУның А.М.Бутлеров исемендәге химия институтында булды. Аның белән бергә уку йортына Татарстан Президенты Рөстәм Миңнеханов, Премьер-министры Илдар Халиков, КФУ ректоры Илшат Гафуров та килгән иде.
"Республиканың иң өстенлекле юнәлешләренең берсе - фәнне үстерү. Нефть табу һәм нефть химиясе, медицина, җитештерү - фән боларның барысын да алга этәрергә тиеш. КФУ - әлеге процессны этәрүчеләрнең берсе", - дип билгеләп үтте Рөстәм Миңнеханов.
Илшат Гафуров: "Университет һәм компанияләр интеграциясе бик әһәмиятле санала. Бу чыннан да шулай", - дип өстәде.
Моны КФУдагы нефтьне пласт эчендә каталитик эшкәртү лабораториясе раслый. "Минем лабораториядә нефть оксидлашуны өйрәнү өчен җайланма бар. Ул күзәнәкле мохитта нефть оксидлашу кинетикасын өйрәнү өчен кирәк", - дип аңлатып узды КФУның өлкән фәнни хезмәткәре Андрей Галухин.
Бу җиһаз - Казан университеты һәм Америка компаниясе белгечләренең уртак эшләнмәсе. Ул Россиядә бердәнбер. Дөньяда да андыйлар бик күп түгел. Лаборатория Сколково һәм "Татнефть" белән актив хезмәттәшлек итә.
Михаил Бабич нефть һәм нефть продуктларының реологик үзлекләре, материалларны термоаназлау һәм материаллар белеме, термик анализ һәм калометрия лабораторияләрендә дә булды. Аларның кайберләре шулай ук нефть тармагына булыша, ә икенчеләре нанотехнологияләр һәм медицина өлкәсендә новаторлык белән шөгыльләнә.
Кызыклы яңалыкларны күзәтеп бару өчен Телеграм-каналга язылыгыз