Икътисад 4 сентябрь 2018 18:56

Менделеевск районында Белоруссиянең газ-моторлы комбайнын сыныйлар

“Гомсельмаш”та җитештерелгән авыл хуҗалыгы техникасын Татарстан аграрийларына тапшыралар.

Скопировать ссылку

(Казан, 4 сентябрь, “Татар-информ”, Екатерина Фадеева). Татарстанның Менделеевск районында “Гомсельмаш”та җитештерелгән газ-моторлы комбайнны сыныйлар. Бу хакта “Татар-информ”га Татарстан "Нефть, газ һәм химия форумы - 2018" кулуарларында Белоруссиянең Россиядәге илчелегенең Казандагы бүлеге җитәкчесе Олег Исаев сөйләде.

Техниканы тапшыру тантаналы чарасы иртәгә, 5 сентябрьдә, Менделеевск районында була.

Дипломат сүзләренчә,“Гомсельмаш”та җитештерелгән “Полесье” КЗС-4118к комбайны тәҗрибә үрнәге инде бу атнада эшен башлый.

Газ-моторлы комбайн башаклы бөртекле һәм ярма культураларын, үлән орлыкларын, ә кукуруз, бөртек-кузаклы , көнбагыш һәм рапсны махсус җайланма белән тигез басуларда турыдан-туры һәм аерым җыя ала.

Ягулык урынына метан куллану әйләнә-тирә мохитка агулы матдәләр ыргытуны ике-өч тапкыр киметә. Газ ныклы углепластик сигез баллонда урнаштырылган.

Аларның гомуми гидравлик күләме 1816 литр, бу исә сигез сәгатькә кадәр яңадан ягулык алмыйча эшләү мөмкинлеген бирә.

#авыл хуҗалыгы #Нефть #газ һәм химия форумы - 2018

Сәхифәләр

Менделеевск районында Белоруссиянең газ-моторлы комбайнын сыныйлар