Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Марат Әхмәтов Татарча Википедия бәйгесенең нәтиҗәсе белән канәгать булмавын әйтте
Дәүләт Советы Рәисе урынбасары Википедияне дөреслекне ачыклау мәйданы дип саный.
(Казан, 17 март, «Татар-информ», Зилә Мөбәрәкшина). Татарстанның Дәүләт Советы Рәисе урынбасары, Президент каршындагы Татар телен саклау һәм үстерү мәсьәләләре комиссиясе рәисе Марат Әхмәтов Татарча Википедия бәйгесендә зур нәтиҗәгә ирешеп булмавын әйтте.
«Татар яшьләрен, татарларны Випипедиягә җәлеп итү максатыннан, Википедия волонтеры Фәрһад Фәткуллин белән бәйге оештырып карадык, зур нәтиҗәләргә ирешә алмадык. Википедия бәйгесе сәгате, көне белән генә үсә торган әйбер түгел, аңа вакыт кирәк. Ул үзенә күрә хаклык ачыклау мәйданчыгы, андагы мәкаләне үзгәртеп, төзәтеп була», — диде ул.
«Сәләт»нең җәйге аланнар координаторы Игорь Смирнов уку-укыту сессияләре барышында утыз вики-дәрес үткәрелүе, Татар Википедиясендә 400дән артык мәкалә язылуы, проект чараларында 1750 кеше катнашканлыгы хакында сөйләде.
«Сорау туа икән, барыбыз да Википедиягә кереп карый. Алдым да, яздым түгел, моның өчен тирәтен өйрәнү кирәк. Киләчәктә Татар Википедиясе үсеш кичерер дип өметләнәбез», — диде Игорь Смирнов.
Сәләт ВикиМәктәбе татар телле балаларны һәм яшьләрне Викимедиа проектлары: Википедия, Викиҗыентык һәм Викихәбәрләр заманча мәйданчыклары белән таныштырып укытуга юнәлгән. Проект бурычлары: татар телле яшьләрне Викимедиа проектлары бирә торган мөмкинлекләрне куллануга өйрәтү, татар телендәге ирекле белемнәрне арттыру.
Кызыклы яңалыкларны күзәтеп бару өчен Телеграм-каналга язылыгыз