Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
"Лучистый" лагере хастаханәдән чыккан балаларны кабул итүдән баш тартты
Балалар өйләренә чартер рейсы белән бу якшәмбедә кайтачак.
(Казан, 20 июль, "Татар-информ"). Евпаториядәге "Лучистый" лагере агуланудан соң хастаханәдән чыгарылган Татарстан балаларын кабул итүдән баш тарткан. Бу хакта Татарстан Яшьләр министрлыгы сайтында хәбәр ителә.
"15 июльдә Евпаториядәге" Лучистый"лагерендә агуланган Татарстан балаларының хәле яхшыруга карамастан, аларны вакытыннан алда өйләренә җибәрү карары кабул ителде. Бу карарны лагерь җитәкчелеге кабул иткән. Алар хастаханәдән чыккан балаларны кабул итүдән баш тартты ", - дип белдерде Татарстан Яшьләр эшләре министры Дамир Фәттахов
Лагерь дирекциясе үз позициясен инкубацион чорның узмавы белән аңлата. Һәм хастаханәдән чыгарылган балалар кабаттан инфекция таралуга сәбәп булырга мөмкин.
Балаларны якшәмбе көнне өйләренә кайтарып җибәрергә планлаштыралар. Моның өчен чартер рейсы оештырылачак. Балаларының ял итмәгән көннәре өчен әти-әниләргә компенсация түләнәчәк.
Якшәмбе көнне өйләренә хастаханәдә дәвалану узган балалар гына кайтачак. Сәламәт балалар "Лучистый" лагерендә ял итүләрен дәвам итәчәк.
- Евпаториядәге "Лучистый" лагерендә 49 бала һәм 5 олы кеше норовирус инфекциясе белән агуланып хастаханәгә эләкте. Кичә балалар омбудсмены Гүзәл Удачина балалар үзләрен яхшы хис итә һәм хастаханәдән чыгарга әзерләнә дип хәбәр итте.
Кызыклы яңалыкларны күзәтеп бару өчен Телеграм-каналга язылыгыз