Әлмәт театры Илшат Агиев истәлегенә багышланган спектакльләр атнасы игълан итә
Әлмәт театрының яшь артисты Илшат Агиев юл фаҗигасендә һәлак булды.
Скопировать ссылку
(Казан, 1 май, “Татар-информ”, Рузилә Мөхәммәтова). Әлмәт театры фаҗигале вафат булган актер Илшат Агиевның якты истәлегенә багышланган спектакльләр атнасы игълан итә. Бу хакта театрның матбугат үзәге хәбәр итә.
- Март аенда Әлмәт театрының 29нчы яше белән барган яшь артисты Илшат Агиев юл фаҗигасендә һәлак булды.
Бүген театр Хәй Вахит пьесасы буенча куелган “Күк капусы ачылса” спектаклен онлайн карарга чакыра. Әлеге спектакльдә Илшат Агиев уйный иде.
5 майда онлайн форматта Илшат Агиевны искә алу кичәсе уздырыла.
13 һәм 15 май көннәрендә театр Таҗи Гыйззәтнең “Кыю кызлар” һәм Нәкый Исәнбәтнең “Качаклар” спектакльләрен онлайн күрсәтә.
Спектакльләр театрның рәсми сайты аша трансляцияләнә.