Татар дөньясы 29 декабрь 2016 17:37

Кырым татарлары үзләрен Россиядә татарлар яшәгән төбәкләр энциклопедиясенә керттермәгән

"Без аерым халык, безне үз эчегезгә "йотмагыз", – дигән үтенеч белән чыккан алар энциклопедияне төзүче Татарстан галимнәренә.

Скопировать ссылку

(Казан, 29 декабрь, “Татар-информ”, Лилия Локманова). “Россия Федерациясендә татарларның күпләп яши торган төбәкләре” энциклопедиясенә кырым татарлары кертелмәгән. Бу хакта бүген Татарстан Фәннәр академиясендә әлеге басманы тәкъдим итү чарасында мәгълүм булды.

Тәкъдим итү чарасында катнашучыларны кырым татарларының ни сәбәпле энциклопедиягә кертелмәве кызыксындырды. Басманы төзүчеләр хәбәр итүенчә, әлеге проект гамәлгә ашыра башлаганда, Кырымнан махсус килгән делегатлар: “Безне үз энциклопедиягезгә кертмәсәгез иде. Без аерым халык һәм безне үз эчегезгә “йотмагыз”, дигән үтенеч белән чыккан.

“Россия Федерациясендә татарларның күпләп яши торган төбәкләре” энциклопедиясенә кимендә 1 меңнән артык татар яшәгән төбәкләрне җыйганнар. Басмада урын алган төбәкләр арасында татарлар иң аз яши торган регион булып Магадан табылган.

#Татарстан фәннәр академиясе #Татар энциклопедиясе институты

Сәхифәләр

Кырым татарлары үзләрен Россиядә татарлар яшәгән төбәкләр энциклопедиясенә керттермәгән