Җәмгыять 16 июнь 2018 14:19

Кремльдә пенсия реформасын йомшарту шартлары турында фикерләр карала

Гражданнарның тискәре реакциясен киметүнең төрле алымнары турында фикер алышу бара.

Скопировать ссылку

(Казан, 16 июнь, “Татар-информ”). Эчке сәясәт буенча Президент идарәсендә пенсия реформасын йомшарту шартлары турында фикерләр карала. Бу хакта Кремль чыганакларына сылтама белән РБК хәбәр итә.

Кремльдә төбәкләрдән халыкның пенсия яшен арттыруга карата реакциясе турында мәгълүматлар җыялар. Чыганак сүзләренчә, гражданнарның тискәре реакциясен киметү алымнары, хәтта реформаны йомшарту турында да фикерләр карала. Бу йомшартулар чынга ашырылыр, дип көтелә.

Узган пәнҗешәмбедә премьер-министр Дмитрий Медведев Министрлар кабинеты утырышында пенсия яшен арттыру турында игълан итте. Пенсия яше киләсе елда һәм алдагы15 ел эчендә артачак. Ир-атлар өчен биш елга (65 яшь) һәм хатын-кызлар өчен сигез елга (63 яшь) озайтылачак.

Пресс-секретарь Дмитрий Песков Владимир Путинның пенсия яшен арттырмау турындагы вәгъдәсен шәрехләгән иде.

#пенсия #пенсия яше

Сәхифәләр

Кремльдә пенсия реформасын йомшарту шартлары турында фикерләр карала