Көнчыгышны өйрәнүче белгеч Әхмәт Галимовны соңгы юлга иртәгә Мәскәүдә озаталар
Скопировать ссылку
Көнчыгышны һәм туган якны өйрәнү белгече Әхмәт Галимов 26 февральдә Мәскәү Җәмигъ мәчетендә соңгы юлга озаталар. Бу хакта Татарстанның Россиядәге Тулы вәкаләтле вәкиллеге телеграм-каналында хәбәр ителә.
Хушлашу мәрасиме 10.30 сәгатьтә башлана.
«Татар-информ» хәбәр иткәнчә, журналист, көнчыгышны өйрәнүче, туган якны өйрәнүче һәм башкаланың татар иҗтимагый тормышында күп еллар дәвамында актив катнашучы Әхмәт Галимов кичә Мәскәүдә вафат булды. Аңа 96 яшь иде.