Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Әкият» курчак театры Чабаксарда уза торган халыкара фестивальдә катнаша
Әлеге фестивальдә Бангладеш, Белоруссия, Германия, Казахстан, Кытай, Куба, Япония театрлары һәм Россиянең унбиш төбәгеннән театрлар катнашуы көтелә.
(Казан, 21 август, «Татар-информ»). «Әкият» курчак театры Чабаксар шәһәрендә уздырыла торган «Карусель сказок» халыкара фестивалендә катнаша. Бу хакта Бөтендөнья татар конгрессы матбугат хезмәте хәбәр итә.
Әлеге фестивальдә Бангладеш, Белоруссия, Германия, Казахстан, Кытай, Куба, Япония театрлары һәм Россиянең унбиш төбәгеннән театрлар катнашуы көтелә.
Татар дәүләт «Әкият» курчак театры Фәнис Яруллин әсәре буенча куелган «Йолдыз тапкан кыз» спектаклен тәкъдим итәчәк. Инсценировка авторы – Ркаил Зәйдулла.
«Фестивальгә озак еллар театрның баш режиссеры булып эшләгән Илдус Зиннуров, «Әкият» театры сәхнәсендә күп спектакльләр куйган Людмида Дьяченко, театр директоры Роза Яппарова да чакырылган», дип хәбәр ителә театрның рәсми социаль челтәрендә.
Фестиваль 21 нче августтан 25 нче августка кадәр үтәчәк.
Кызыклы яңалыкларны күзәтеп бару өчен Телеграм-каналга язылыгыз