Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда төнге янгында алты кешелек гаилә үлеменнән соң җинаять эше кузгатылды
Башлангыч мәгълүматларга караганда, кешеләр төтен белән агуланып үлгән.
(Казан, 22 апрель, «Татар-информ»). Казанда төнге янгында алты кешелек гаилә үлеменнән соң җинаять эше кузгатылды. Бу хакта РФ Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий хәбәр итте.
«Пестель урамындагы фаҗигадән соң саксызлык буенча үлемгә китерү турында җинаять эше кузгатылды. Башлангыч мәгълүматларга караганда, кешеләр төтен белән агуланып үлгән. Янгынның төгәл сәбәбе ачыклана», - дип искәртте Шептицкий.
Хәзерге вакытта белгечләр фаҗига булган урынны тикшерүне дәвам итә. Тикшерү өчен кирәкле экспертизалар билгеләү турындагы мәсьәлә хәл ителә.
- Моңа кадәр «Татар-информ» агентлыгы Пестель урамындагы шәхси йортта чыккан янгынны сүндергән вакытта төшерелгән видео урнаштырган иде. Анда ут белән көрәшүчеләр өлкән яшьтәге хатын-кыз, ир белән хатын һәм өч баланың мәетен табып алган.
Кызыклы яңалыкларны күзәтеп бару өчен Телеграм-каналга язылыгыз