Казанда кешеләрне бәрдергән йөк машинасы йөртүчесе авариянең сәбәбен атады
Башлангыч мәгълүматларга караганда, йөк машинасы шоферы аек булган, медицина тикшеренүе үткәргәннән соң, бу хакта төгәлрәк әйтергә мөмкин булачак.
Скопировать ссылку
(Казан, 5 сентябрь, “Татар-информ”). Казанда Ломжа базары янында кешеләрне бәрдергән йөк машинасы шоферы аның юлына башка машина чыгу сәбәпле әлеге хәл килеп чыгуын әйтә. Бу хакта «Татар-информ»га үз чыганагыннан билгеле булды.
"Машина йөртүче юлын ак "Ауди" кисеп узуы хакында сөйләде. Шуның аркасында бәрелешүдән читләшү өчен, тротуарга чыгарга мәҗбүр булуын әйтте", – дип хәбәр итте агентлык чыганагы.
Шул ук вакытта, чыганак сүзләренчә, видеода “Ауди”ның светофорның яшел уты януын көтүе һәм берничә секундтан соң гына йөк машинасы килеп җитүе күренә.