ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Хәвеф-хәтәр

Казанда Ала-Дим базары янында йөк машинасы тротуардагы кешеләрне бәрдергән

5 сентябрь 2019, 17:39 , Фото: соцсети

Казанда Ала-Дим базары янында йөк машинасы тротуардагы кешеләрне бәрдергән
Агентлык чыганагы мәгълүматларына караганда, дүрт кеше тән җәрәхәтләре алган.

(Казан, 5 сентябрь, «Татар-информ»). Казанда базар янында йөк машинасы тротуарга чыгып, кешеләрне бәрдергән. Вакыйга урыныннан кадрлар белән социаль челтәрләрдән файдаланучылар уртаклашты.

Шаһитлар хәбәр иткәнчә, һәлакәт бүген көндез Ломжа урамында Ала-Дим базары янында булган.

Казанның ЮХИДИ идарәсендә авария турындагы мәгълүматны расладылар.

«Һәлакәт көндез сәгать дүртләрдә булды. Башлангыч мәгълүматларга караганда, авариядә берничә кеше зыян күргән», – дип сөйләделәр Казанның Дәүләт автоинспекциясендә.

Кадрларда йөк машинасының юл кырыеннан тротуарга кереп китүе күренә. Аның кырыенда сәүдә рәтләре, анда исә кешеләр эшли.

«Татар-информ» чыганагы мәгълүматлары буенча, юл-транспорт һәлакәтендә дүрт кеше тән җәрәхәте алган. Урында табиблар һәм полиция хезмәткәрләре эшли.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10