Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«КАМАЗ-Мастер»дан Владимир Чагин автоспортта ел кешесе дип танылган
Спортчыга бүләкне Russian Motorsport Forum җыены кысаларында оештырылган чарада тапшырганнар.
(Казан, 11 ноябрь, «Татар-информ»). Мәскәү янындагы Moscow Raceway автодромында Russian Motorsport Forum җыены үтте. Анда иң абруйлы номинациядә «КАМАЗ-Мастер» спорт командасы директоры Владимир Чагин җиңүче булып танылды, дип хәбәр итә команданың матбугат хезмәте.
«Миңа бу бүләкне алу бик күңелле һәм дулкынландыргыч булды, – диде Владимир Чагин. – Мин автоспортка тугры кеше һәм гомеремне спортка багышладым. Үземнең «КАМАЗ-Мастер» командасына рәхмәтле булуымны белдерәсем килә, шулай ук “Ефәк юлы” раллиен уздыруга мөнәсәбәте булганнарга да - спонсорларга, хезмәттәшләргә һәм ярышта катнашучыларга рәхмәтлемен. Сездән башка шундый ярыш мөмкин булмас иде».
Владимир Чагин шулай ук “Ефәк юлы” халыкара ралли җитәкчесе дә.
Форумда бүләк ралли дирекциясенең тагын бер хезмәткәренә – маршрут буенча куркынычсызлык директоры Виктор Соколовка автоспорт ярышларында куркынычсызлыкны тәэмин итүдәге уңышлары өчен тапшырылган.
Кызыклы яңалыкларны күзәтеп бару өчен Телеграм-каналга язылыгыз