Чаллыда бассейнда хлор белән агуланудан соң прокуратура тикшерү уздыра

Тикшерү нәтиҗәләре буенча процессуаль карар кабул ителәчәк.

(Казан, 23 февраль, «Татар-информ»). Чаллыда бассейнда хлор белән агуланудан соң прокуратура тикшерү уздыра. Бу хакта Татарстан прокурорының өлкән ярдәмчесе вазифасын башкаручы Руслан Бариев хәбәр итте.

Ул тикшерү нәтиҗәсе буенча тиешле процессуаль карар кабул ителәчәк диде.

Алдарак «Татар-информ» Боровецкий урманындагы ял базасында тугыз яшүсмернең һәм тугыз олы кешенең хлор белән агулануын хәбәр иткән иде. Алты бала хастаханәдә дәвалана.