Татарстанда тагын ике кеше коронавирус корбаны булды
Covid-19 пандемиясе вакытында республикада 293 кеше үлгән.
Скопировать ссылку
(Казан, 9 февраль, «Татар-информ»). Татарстанда коронавирус инфекциясе аркасында тагын ике кеше үлгән.
Татарстан Сәламәтлек саклау министрлыгының матбугат хезмәте хәбәр итүенчә, 1939 һәм 1986 елларда туган ике хатын-кыз вирус корбаны булган.
«Үлем сәбәпләре патолого-анатомик экспертиза нәтиҗәсендә билгеләнде», — дип хәбәр иттеләр республика ведомствосының матбугат хезмәтендә.
Пандемия башланганнан бирле вирус республикада 293 кешенең гомерен өзгән.
Элегрәк «Татар-информ» мәгълүмат агентлыгы узган тәүлектә Татарстанда 80 кешенең коронавирус йоктыруын хәбәр иткән иде.