Татарстанда коткаручылар суда баткан балыкчы мәетен тапкан

Мәрхүмне ярдан 450 метр ераклыкта тугыз метр тирәнлектән табып алалар.

(Казан, 3 август, «Татар-информ», Полина Шевчук). Татарстанда коткаручылар суда баткан балыкчы мәетен тапкан. Бу хакта «Татар-информ»га Россия Гадәттән тыш хәлләр министрлыгының ТР буенча баш идарәсе матбугат хезмәтендә сөйләделәр.

Кичә кичке җидедә Яшел Үзәндә шәһәр пляжы каршы ягында 2нче зона коткару отряды водолазлары ярдан 450 метр ераклыкта 9 метр тирәнлектә 35 яшьлек ир-атның мәетен табып алган.

«Татар-информ» кичә Яшел Үзәндә ике ир-ат шәһәр пляжы каршы ягында балык тотканлыгын, бер мизгелдә көймәдән күпертелә торган мендәр төшеп киткәнлеген һәм балыкчыларның берсе аны алырга йөзеп китеп батканлыгын хәбәр иткән иде.