Мамадышта коймага бәрелгән квадроциклда 20 яшьлек егет тә булган
Кичә Мамадышның Исхакый урамында кичке сәгать унберләр тирәсендә 12 яшьлек кыз квадроциклда барган килеш коймага бәрелеп үлде.
Скопировать ссылку
(Казан, 2 август, «Татар-информ», Павел Климчак). Кичә Мамадышның Исхакый урамында кичке сәгать унберләр тирәсендә квадроцикл коймага бәрелгән. Авариядә 12 яшьлек кыз үлгән, 20 яшьлек егет имгәнгән.
12 яшьлек кыз, хокукы булмаган килеш, квадроцикл белән идарә иткән. Ул юлдан чыгып китеп, коймага барып бәрелгән.
Дәүләт автоинспекциясе белешмәсе буенча, квадроцикл белән кыз бала идарә итә, 20 яшьлек егет пассажир була. Бу егет тә җитди имгәнгән. Аны хастаханәгә алып киткәннәр.
Элегрәк «Татар-информ» Мамадышта 12 яшьлек кызның квадроциклда бәрелеп һәлак булуын хәбәр иткән иде.