Татарстанда Сovid-19лы пациентларны дәвалаучы табибларга күпме акча түләнүе билгеле
10,5 меңгә якын медицина хезмәткәре барлыгы 3 млрд 100 млн сум акча алган.
Скопировать ссылку
(Казан, 29 октябрь, «Татар-информ», Гөлнар Гарифуллина). Татарстанда коронавирус белән авырган пациентларга ярдәм күрсәтүче табибларга барлыгы 3,1 млрд сум акча түләнгән. Бу хакта ТР Мәҗбүри медицина иминияте территориаль фонды директоры Алсу Мифтахова Дәүләт Советының уналтынчы утырышында хәбәр итте.
«Быел территориаль фонд аша стимуллаштыру түләүләре булмады. Ләкин, ТР Сәламәтлек саклау министрлыгы мәгълүматлары буенча, 10,5 меңгә якын медицина хезмәткәре барлыгы 3 млрд 100 млн сум акча алган», — диде Алсу Мифтахова.
Ул, шулай ук, коронавируслы пациентларны дәвалауга Россия Федерациясе Хөкүмәте күпме акча бүлеп биргәнне әйтте.