Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Хөкүмәте Татарстанга коронавирустан дәвалау өчен 790 млн сум акча бүлеп биргән
«Фондның киләсе елга бюджетында коронавирустан дәвалау очраклары санын алдан фаразламыйбыз. Быелгы кебек үк, фактка карап кына түләячәкбез», — диде Алсу Мифтахова.
(Казан, 29 октябрь, «Татар-информ», Гөлнар Гарифуллина). Россия Федерациясе Хөкүмәте Татарстанга коронавируслы авыруларны дәвалау өчен 790 млн сум акча бүлеп биргән. Бу хакта Дәүләт Советы утырышында ТР Мәҗбүри медицина иминияте территориаль фонды директоры Алсу Мифтахова сөйләде.
«Фондның киләсе елга бюджетында коронавирустан дәвалау очраклары санын алдан фаразламыйбыз. Быелгы кебек үк, фактка карап кына түләячәкбез. Ничә очрак булса, шуңа карап. Госпитальләр буларак эшләүче медицина учреждениеләре моңарчы күрсәтелгән медицина ярдәмен туктатып тора. Бу акчалар коронавирустан дәвалау өчен тотыла», — диде Алсу Мифтахова.
Мәҗбүри медицина иминияте территориаль фондының алдагы өч елга бюджеты турында закон проекты беренче укылышта кабул ителде. 2021 елда керемнәр 59,1 млрд сум күләмендә, чыгымнар 59,2 млрд сумнан артык булыр дип фаразлана. Дефицит 27,1 млн сум булачак.
Төзәтмәләр 7 ноябрьгә кадәр кабул ителә.
Кызыклы яңалыкларны күзәтеп бару өчен Телеграм-каналга язылыгыз