Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Эпидемиолог: Коронавирустан саклану өчен ишек тоткаларын да сөртергә кирәк
Дмитрий Лопушов коронавирустан саклану өчен төп кагыйдәләрне искәртте.
(Казан, 10 апрель, «Татар-информ», Гөлнар Гарифуллина). Коронавирустан саклану чараларының берсе буларак ишек тоткаларын да сөртеп торырга кирәк. Бу хакта матбугат конференциясендә Татарстан сәламәтлек саклау министрлыгының баш эпидемиологы Дмитрий Лопушов әйтте.
Аның сүзләренчә, коронавирустан профилактика чаралары үтә көчле респиратор инфекцияләр, грипп вакытындагы стандарт саклану чараларыннан берни белән дә аерылмый. «Эштән өйгә кайткач, өс киемен салырга, кулларны юарга кирәк, антисептик белән ышкырга була. Ишек тоткаларын да шул ук антисептиклар белән эшкәртеп торсаң, бик яхшы», — диде белгеч.
Дмитрий Лопушов сүзләренчә, каяндыр кайткач, борын куышлыгын да юдырып чыгарырга мөмкин. Бу алым ОРВИ, грипп сезонында да файдалы булуын искәртте. Биналарда кварц процедурасын уздыру да файдага булачак, диде.
Баш белгеч фикеренчә, яшелчә, җиләк-җимешләрне агым суда юу да җитә. Яшелчә, җиләк-җимешләрдән йогышланган бер очрак та булмавын әйтте.
Ул, шулай ук, битлекләрдән файдалану кагыйдәләрен дә искәртте.
Кызыклы яңалыкларны күзәтеп бару өчен Телеграм-каналга язылыгыз