Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин: Җирле үзидарә системасына яңа эш алымнары кирәк
Дәүләт Советы Рәисе йөзләп закон нормаларын эшкәртергә туры киләчәген әйтте.
(Казан, 29 декабрь, «Татар-информ», Гөлнар Гарифуллина). Татарстан Дәүләт Советы Рәисе Фәрит Мөхәммәтшин җирле үзидарә системасы яңа эш алымнары сорый, дип саный.
«Җирле үзидарә роле, минемчә, үз сайлаучыларың белән үз территорияңдә якын элемтәне аңлата», — диде ул журналистларга йомгаклау конференциясендә.
Фәрит Мөхәммәтшин Борис Ельцин чорында, җирле үзидарә советы булдырылганда, бу закон проекты юнәлешендә рухланып эшләгәнен искәртте. «Хакимиятне халыкка якынайтып, үз территорияләре үсеше өчен җирле хакимиятләрнең җаваплылыгын арттыру өчен эшләдек», — диде.
«Ләкин илдә моны башкарып чыгып булмады, салым салу системасы, эшләгән акчаң социаль бурычларны хәл итүгә калачагын белеп, җирле хезмәткәрләрнең эшен җанландыру аша җирле үзидарәнең салым базасына кызыксынуын тудырып булмады. Җирле үзидарә системасы яңа алымнар сорый», — диде парламент рәисе.
Фәрит Мөхәммәтшин җирле үзидарә турында тәкъдим ителгән федераль закон кысаларында республикада да законда үзгәрешләр кертеләчәген әйтте.
«Җирле советларда депутатлар да кимиячәк. Кечкенә территорияләрне берләштерү турында да сүз бара. Федераль законда старосталар турында да беләсез, халык тарафыннан сайланган аерым кешеләр башкарма закон чыгару вәкаләтләрен үти. Элек совет чорында авыл советы рәисләрен хәтерлисезме? Бу нәтиҗәлелекне арттырыр дип уйлыйм. Бу нисбәттән, җирле үзидарә турында законны хупларбыз», — диде.
Дәүләт Советы Рәисе йөзләп закон нормаларын эшкәртергә туры киләчәген әйтте. Эшче төркем булдыру турында имзалагач, эш башланачагын билгеләп узды. «Эшче төркем төзеләчәк, ведомствоара төркем булачак ул, закон кысаларында эшләргә тырышачакбыз. Зур эш көтелә», — диде Фәрит Мөхәммәтшин. Ул эшче төркемгә парламент рәисе урынбасары Марат Әхмәтов җитәкчелек итәчәген әйтте.
Кызыклы яңалыкларны күзәтеп бару өчен Телеграм-каналга язылыгыз