Синоптиклар Татарстанда томан турында кисәтә

Көндез бераз кар явачак, җил уртача тизлектә була.

(Казан, 22 февраль, «Татар-информ»). Иртәгә төнлә һәм иртән Татарстанның кайбер районнарында томан төшү көтелә. Бу хакта Татарстан Гидрометеорология үзәге матбугат хезмәте хәбәр итә.

Көндез урыны белән кыска вакытлы кар явачак, көньяктан талгын җил көтелә. Иртән һәм көндез урыны белән җил тизлеге көчәйгәндә секундына 18 метрга кадәр җитәргә мөмкин.

Төнлә һава температурасы -2дән -7 градуска кадәр, көндез 0дән -5 градуска кадәр булыр дип фаразлана.