Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Синоптиклар Татарстанның көньяк-көнчыгышында сары төстәге кар явуның сәбәбен аңлатты
Карның гадәти булмаган төсе республика территориясендә генә түгел, күрше төбәкләр территориясендә дә күзәтелде.
(Казан, 18 март, «Татар-информ»). Бүген Татарстанның көньяк-көнчыгышында тузан һәм ком кушылганга сары төстәге кар яуган. Аларны җил Казахстаннан куып китергән.
Метеорологлар сүзләренчә, гадәти булмаган күренеш республика территориясенә «Түбән Идел һәм Казахстан территориясеннән һава массасы күчүе белән бәйле. Анда тузан өермәләре күзәтелгән». Бу хакта ТР Гидрометеорология үзәге хәбәр итә.
Җил ярдәмендә атмосферага күтәрелгән ком һәм тузан акрынлап кар белән бергә кушыла, шул кар җир өслеген каплап, сары төсмер бирә, дип аңлаттылар белгечләр.
Синоптиклар искәрткәнчә, сары кар, аерым алганда, Азнакай метеорология станциясендә теркәлгән. Моннан тыш, ул Татарстан белән күрше төбәкләрдә — Самара, Ульяновск, Саратов һәм Оренбург өлкәләрендә күзәтелә.
Элегрәк «Татар-информ» мәгълүмат агентлыгы хәбәр иткәнчә, Татарстанның көньяк-көнчыгышында сары кар яву факты буенча тикшерү үткәрелә.
Кызыклы яңалыкларны күзәтеп бару өчен Телеграм-каналга язылыгыз