Айрат Сибагатуллин «Казан Кремле» музей-тыюлыгы җитәкчесе итеп билгеләнде
Татарстанның элеккеге мәдәният министры Айрат Сибагатуллин әлеге вазифада Зилә Вәлиеваны алыштырды.
Скопировать ссылку
(Казан, 6 февраль, «Татар-информ», Марат Ишкильдин). «Татарстан – Яңа гасыр» телеканалының баш мөхәррире Айрат Сибагатуллин «Казан Кремле» музей-тыюлыгы җитәкчесе итеп билгеләнде. Бу хакта «Татар-информ» агентлыгына ТР Мәдәният министрлыгыннан хәбәр иттеләр.
«Әйе, Айрат Сибагатуллин «Казан Кремле» тарихи-архитектура музей-тыюлыгы җитәкчесе итеп билгеләнде», - дип белдерделәр ведомствоның матбугат хезмәтендә.
Айрат Сибагатуллин 2018 елның апрелендә «Татарстан – Яңа гасыр» телеканалының башкаручы директоры һәм баш мөхәррире булды. Аңарчы ул 2011 елдан Татарстан мәдәният министры вазифасын биләгән иде.