Быелгы «Керәшен чибәре» бәйгесе җиңүчесе — Сарман кызы
«Керәшен чибәре -2021» титулы өчен «Питрау»да тугыз кыз ярышты.
(Казан, 18 июль, «Татар-информ», Гөлия Хәсбиуллина). Кичә «Питрау» бәйрәмендә Сарман районы кызы «Керәшен чибәре» титулына лаек булды.
«Керәшен чибәре» бәйгесендә тугыз кыз катнашты. «Керәшен чибәре-2021» титулын Лиана Антонова яулады.
«Бәйгедә өченче тапкыр катнашам, 3нче һәм 2нче урыннарны яулаганым булды, быел беренчелек артыннан килдем», — диде җиңүче. Ул Сарман районының Ләке авылыннан.
Номинацияләр:
Онлайн Керәшен чибәре — Лиана Самойлова;
Иң яхшы җырчы — Лиана Антонова;
Иң яхшы биюче — Оксана Фёдорова;
Иң сөйкемле — Анастасия Шумитова;
Йолаларны яхшы белүче — Маргарита Петрова;
Иң җор телле — Алёна Евдокимова;
Этник костюм белгече — Ангелина Кузьмина;
Иң оста пешерүче — Аида Сахарова;
Иң оста чигүче — Марина Тараканова.
Бәйгедә өч урын бирелде. 1 урын — Алёна Евдокимова; 2 урын — Марина Тараканова; 3 урын — Оксана Фёдорова.
Кызлар бәйгедә визитка, иҗади чыгыш күрсәтте, видеода күрсәтелгән гореф-гадәтләр хакында белгәннәрен сөйләде һәм интеллектуаль турда керәшен сүзләренә аңлатма бирде.
"Питрау" бәйрәме ахырында Керәшен чибәре көрәш батырларын бүләкләү тантанасында да катнашты.