Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Быел Татарстанда техник культуралардан уңыш яхшы булыр дип көтелә
“Югары маржиналь культураларның чәчүлек торышлары былтыргыдын яхшырак”, - диде министр.
(Казан, 14 август, “Татар-информ”, Гөлнар Гарифуллина). Быел Татарстанда техник культуралар уңышы яхшы булыр дип фаразлана. Аның хисабына республиканың авыл хуҗалыгы предприятиеләре финанс хәлен яхшырта алырга тиеш. Татарстанның Министрлар Кабинетында узган брифингта Татарстан Премьер-министры урынбасары – авыл хуҗалыгы һәм азык-төлек министры Марат Әхмәтов шулай дип белдерде.
Аның әйтүенчә, бөртекле культуралардан соң, өлгерешенә карап, 356,4 мең гектар мәйданда чәчелгән техник культуралар җыеп алыначак. Шуларның 120 мең гектары – рапс, 124 мең гектары – көнбагыш, 64,3 мең гектарда шикәр чөгендере, 8,4 мең гектарда бәрәңге, яшелчәләр.
“Быел югары маржиналь культураларның чәчүлек торышлары былтыргыдын яхшырак. Бу культураларга базар бәяләре дә былтыргыдан югарырак. Алар хисабына республиканың авыл хуҗалыгы предприятиеләре финанс хәлен яхшырта алыр дип уйлыйм”, - диде министр.
Марат Әхмәтов әйтүенчә, бүген-иртәгә көзге бодай һәм көзге арышны урып җыю төгәлләнергә тора. “Борчак барлык мәйданнарның яртысыннан күбрәк өлешендә җыеп алынган. Быел борчак өчен мул уңышлы ел түгел. Эсселек эзсез узмаган, уңыш гектарыннан 16 центнер тәшкил итә”, - диде ул.
Министр быел арпа уңышы көзге культуралардан калышмавын белдерде. “Параллель рәвештә арпа урыла. Җәй сабан культуралары өчен бик үк яхшылардан булмады. Моңа карамастан, иртәрәк чәчәргә өлгергәннәр арасында арпа гектарыннан 40 центнердан арткан басулар бар”, - диде.
Кызыклы яңалыкларны күзәтеп бару өчен Телеграм-каналга язылыгыз