news_header_top_970_100
16+
news_header_bot_970_100

Бөгелмә районы башлыгы вазифалары Фәнис Мөхәммәтовка йөкләнде

Бөгелмә районы башлыгы вазифалары Фәнис Мөхәммәтовка йөкләнде
Фотода Фәнис Мөхәммәтов уңнан икенче

Бөгелмә муниципаль районы башлыгы һәм Бөгелмә шәһәре мэры вазифалары закон нормалары нигезендә муниципаль берәмлек башлыгы урынбасары Фәнис Мөхәммәтовка йөкләнде. Әлеге карар Бөгелмә районы Советы һәм Бөгелмә шәһәре Советының берләштерелгән сессиясендә билгеле булды.

Фәнис Мөхәммәтовка 54 яшь. Ике югары белеме бар – М.Горький исемендәге Казан авыл хуҗалыгы институтын һәм Казан дәүләт энергетика университетын тәмамлаган.

Район башлыгы урынбасары вазифасында районның торак пунктларын төзекләндерү, крестьян-фермер хуҗалыкларын, шәхси ярдәмче хуҗалыкларны үстерү эше белән җитәкчелек итте.

Элегрәк «Татар-информ» Бөгелмә районы башлыгы Линар Закиров вәкаләтләрен тапшырды, дип хәбәр итте.

Фото: Бөгелмә районының матбугат хезмәте

autoscroll_news_right_240_400_1
autoscroll_news_right_240_400_2
news_bot_970_100