Җәмгыять 20 июль 2018 21:19

Беренче яртыеллыкта Татарстанда авыл хуҗалыгы продукциясе сатудан 39,9 млрд табыш кергән

Марат Әхмәтов 2018 елның беренче яртысында авыл хуҗалыгы продукциясен сатудан кергән табыш күләме турында сөйләде.

Скопировать ссылку

(Казан, 20 июль, “Татар-информ”). Агымдагы елның беренче яртысында авыл хуҗалыгы продукциясе сатудан табыш 39,9 млрд сум тәшкил иткән. Татарстан авыл хуҗалыгы һәм азык-төлек министры Марат Әхмәтов республика Хөкүмәте Йортында республикакүләм киңәшмәдә 2018 елның беренче яртысында авыл хуҗалыгы продукциясен сатудан кергән табыш күләме турында сөйләде. Бу турыда Татарстан Президенты матбугат хезмәте хәбәр итә.

Марат Әхмәтов сүзләренчә, акчалата табыш 39,9 млрд сум тәшкил иткән, бу узган елгы күрсәткечнең - 99 проценты.

Терлекчелек тармагы 30 млрд сум, ә үсемлекчелек 6,5 млрд сум табыш китергән.

Шулай ук Әхмәтов җитештерү күрсәткечләре турында да сөйләгән. Мисал өчен, агымдагы елның беренче яртысында 647,5 мең тонна продукция җитештерелгән. Аксубай һәм Яңа Чишмә районнары сөт җитештерү күрсәткечләрен арттыру буенча аерым билгеләп үтелгән.

#авыл хуҗалыгы #марат әхмәтов

Сәхифәләр

Беренче яртыеллыкта Татарстанда авыл хуҗалыгы продукциясе сатудан 39,9 млрд табыш кергән