Баулы районында Фәнис Яруллинны искә алдылар
Декабрь – әдип вафат булган ай. Якташлары Кызылъяр авылында шагыйрьнең музей-йортына искә алу кичәсенә җыелган.
Скопировать ссылку
(Казан, 14 декабрь, “Татар-информ”) Татарстанның Баулы районында якташлары халык шагыйре Фәнис Яруллинны (1938-2011) искә алды, дип хәбәр итә Баулының “Хезмәткә дан” газетасы. Кызылъяр авылында шагыйрьнең музей-йортына аның иҗатын сөюче райондашлары, Фәнис Яруллин белән аралашып яшәгән язучылар җыелган.
Декабрь – әдип вафат булган ай. Музейда оештырылган кичәдә Зәйтүнә абыстай әдипнең рухына дога кылган. Кунаклар Фәнис Яруллинның шигырьләрен укыган, аның шигырьләренә язылган җырлар яңгыраган.
