Хәвеф-хәтәр 15 декабрь 2020 11:22

Башкортстандагы янгыннан соң, Татарстан прокуратурасы картлар йортларын тикшерәчәк

11 кешенең гомерен өзгән янгын бүген төнге өчләр тирәсендә картлар тәрбияләнә торган шәхси пансионатта чыккан.

Скопировать ссылку

(Казан, 15 декабрь, «Татар-информ»). Башкортстандагы янгыннан соң, Татарстан прокуратурасы республикадагы картлар йортларын тикшерәчәк. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.

Илдус Нәфыйков картлар һәм инвалидлар йортларында янгын куркынычсызлыгы кагыйдәләренең үтәлешен тикшерергә кушты. Учреждениеләрне финанслау мәсьәләсенә аерым игътибар биреләчәк.

«Шулай ук вәкаләтле органнарның янгыннарны һәм башка хәвеф-хәтәрне кисәтү буенча үзләренә йөкләнгән вазифаны ничек үтәве тикшереләчәк», - дип искәртте Галиев.

«Татар-информ» агентлыгы бүген төнлә Башкортстанда шәхси картлар йортында янгын чыгуы хакында хәбәр иткән иде. Янгында 11 кешенең гомере өзелгән, дүртесен коткарганнар.

Сәхифәләр

Башкортстандагы янгыннан соң, Татарстан прокуратурасы картлар йортларын тикшерәчәк