Җәмгыять 20 июль 2018 17:36

Бабич Идел буе федераль округыннан Беларуська китә дигән хәбәр чыкты

Михаил Бабичны Россия Президентының Тулы вәкаләтле вәкиле итеп яңадан сайламаячаклар.

Скопировать ссылку

(Казан, 20 июль, “Татар-информ”). Михаил Бабич Идел буе федераль округыннан Беларуська китә дигән хәбәр чыкты. Бу хакта үз чыганакларына сылтама белән РИА Новости яза.

"Михаил Бабичны Россия Президентының Тулы вәкаләтле вәкиле вазифасына яңадан сайламаячаклар. Ул Россиянең Беларусь Республикасындагы Илчесе булачак", диелгән әлеге хәбәрдә.

Россия Президентының Тулы вәкаләтле вәкиле вазифасына сенатор Любовь Глебова, шулай ук хөкүмәт аппараты җитәкчесе урынбасары Евгений Забарчук кандидатураларын карыйлар.

Любовь Глебова Федерация Советына килгәнче Россотрудничествоны җитәкләгән, 2001-2005 елларда Россия Президентының Идел буе федераль округындагы Тулы вәкаләтле вәкиле урынбасары вазифасын биләгән.

Тулы вәкаләтле вәкил вазифасына Глебова һәм элеккеге авыл хуҗалыгы министры Александр Ткачев та дәгъва итә, дигән тагын бер чыганак.

#Михаил Бабич

Сәхифәләр

Бабич Идел буе федераль округыннан Беларуська китә дигән хәбәр чыкты