Авиаһәлакәттә гомере өзелгән депутат белән хушлашу чарасы Казанда узачак
Татарстан парламенты җитәкчесе Фәрит Мөхәммәтшин депутат Айрат Хәйруллин белән хушлашу чарасы филармония бинасында булачагын хәбәр итте.
Скопировать ссылку
(Казань, 7 февраль, «Татар-информ»). Россия Дәүләт Думасына Татарстаннан сайланган депутат Айрат Хәйруллин белән хушлашу чарасы 8 февральдә Казанда булачак. Бу хакта Татарстан Дәүләт Советы Рәисе Фәрит Мөхәммәтшин үзенең Инстаграм битендә язды.
«Хушлашу чарасы Габдулла Тукай исемендәге Татар дәүләт филармониясе бинасында сәгать 11дә башланачак», — дип хәбәр итте Фәрит Мөхәммәтшин.
Татарстан парламенты җитәкчесе 7 февраль кичендә авиаһәлакәттә гомере өзелгән депутатның якыннары, туганнары кайгысын уртаклашты.