Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алексей Песошин норматив-хокукый актларны татар теленә тәрҗемә итеп бетерергә кушты
2023 елда Татарстан районнарының берничә ведомствосында һәм администрациясендә таләпләр нигезендә татар теленә тәрҗемә ителмәгән норматив-хокукый актлар ачыкланган. Моны бер ай эчендә төзәтергә кирәк. ТР Премьер-министры Алексей Песошин Татарстан телләре турындагы законнарны гамәлгә ашыру советы утырышында шундый йөкләмә бирде.
«100 процентка җиткерергә кирәк, тырышыгыз, хәзер 99 процент инде. Ай дәвамында күрсәтелгән норматив-хокукый актларны тәрҗемә итәргә кирәк. Әмма тәрҗемә булу гына кирәк түгел. Безне механик алым канәгатьләндерергә тиеш түгел. Бу эштә сыйфатны контрольгә алыгыз, монда тәрҗемә белән шөгыльләнүче белгечләр роль уйный», - диде спикер. Бу турыда «Татар-информ» хәбәрчесе Арсений Кәримов яза.
Утырышның шактый өлеше норматив-хокукый актларны татар теленә тәрҗемә итү темасына багышланган иде. Татарстан Фәннәр академиясенең Ибраһимов исемендәге Тел, әдәбият һәм сәнгать институты директоры Ким Миңнуллин мәгълүматлары буенча, ел саен мондый документларда 7 меңгә якын хата табалар.
«Актларны татар теленә тәрҗемә итү логик тәмамлануга барып җитми, еш кына эш исем белән генә чикләнә. Әмма бөтен текст тәрҗемә ителсә дә, анда хаталар күп була», - диде ул.
Шул ук вакытта татар теленә тәрҗемә белән бәйле проблемаларны республика шәһәрләре урамнарында да күрергә мөмкин. Шулай итеп, шәһәрдә яшәүчеләр элмә такталардагы татарча язуда хата буенча өч елда якынча 11 мең мөрәҗәгать җибәргән.
- Татарстан мәгариф һәм фән министры Илсур Һадиуллин КФУда Татарстан министрлыклары өчен тәрҗемәчеләр әзерләргә тәкъдим итте, дип язган идек.
Кызыклы яңалыкларны күзәтеп бару өчен Телеграм-каналга язылыгыз