Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Илсур Һадиуллин КФУда Татарстан министрлыклары өчен тәрҗемәчеләр әзерләргә тәкъдим итте
Татарстанда министрлыкларда һәм ведомстволарда тәрҗемәчеләре җитмәү яки аларның квалификациясе түбән булу белән бәйле проблема күзәтелә. Бу хакта ТР Министрлар Кабинеты каршындагы Татарстан телләре турындагы законнарны гамәлгә ашыру советы утырышында республика мәгариф һәм фән министры Илсур Һадиуллин белдерде. Төбәк җитәкчесенең матбугат хезмәте шул хакта хәбәр итә.
Аның сүзләренчә, бу проблеманы хәл итү өчен Казан федераль университетында тәрҗемәчеләр әзерли башларга, ә хәзерге белгечләр өчен норматив хокукый актлар текстлары белән эшләүгә юнәлдерелгән квалификация күтәрү буенча практик курслар оештырырга мөмкин. Аларны Дәүләт һәм муниципаль идарә югары мәктәбе базасында уздырырга була.
Министр сүзләренчә, Татарстанда рус телендә 2099 норматив хокукый акт бастырылган, татарча - 2087, бу 99 процент тәшкил итә. Татар теленә тәрҗемә ителгән хәбәрләр саны шундый ук процент булган.
Татарстан Премьер-министры Алексей Песошин ай дәвамында барлык норматив хокукый актларны тәрҗемә итеп бетерергә, шулай ук тәрҗемә сыйфатын контрольгә алырга кушты.
Кызыклы яңалыкларны күзәтеп бару өчен Телеграм-каналга язылыгыз