9 ноябрьнең төп вакыйгалары - фото һәм сылтамалар
Балтачта ир-балалар өчен мөселман пансионаты ачылды, “Әдәби марафон” бәйгесе җиңүчеләре бүләкләнде, көрәшчеләр Идел буе Кубогы ярышларында катнаша.
Путин Назарбаевны Татарстандагы Болгар дәүләт тарихи-архитектура музей-тыюлыгына чакырган / Дәүләт башлыклары “Россия белән Казахстанның туризмны үстерү буенча яңа алымнары һәм тенденцияләре” күргәзмәсе экспозициясен карады.
Р.Миңнеханов Путинга һәм Назарбаевка Татарстанның туристлык мөмкинлекләре хакында сөйләде / Татарстан Президенты дәүләт башлыкларына Болгар шәһәрендә төзелгән «Кол Гали» кунакханәсе комплексы буйлап виртуаль экскурсия үткәрде.
Казанда Аяз Гыйләҗев әсәрләре буенча куелган театр декадасы дәвам итә / Кичә Камал театры сәхнәсендә Әлмәт театры коллективы үзенең ике спектаклен күрсәтте.
Балтачта ир-балалар өчен мөселман пансионаты ачылды / Татарстан мөфтие Камил хәзрәт Сәмигуллин пансионатның киләчәктә милләтебезнең рухи-әхлакый кыйммәтләрен саклауда зур таяныч булачагына ышана.
Казанда Россиякүләм “Әдәби марафон” бәйгесе җиңүчеләрен бүләкләделәр / "Мин әдәби марафон дәвамында күпме дуслар таптым, күпме рухи азык җыйдым, күпме китап байлыгы тупладым”, - ди җиңүче.
Галимҗан Гыйльманов иҗат кешеләренә укучыларга якынаерга кирәк дип саный / Язучылар укучыларның күңелләренә юлны үзләре дә таба белергә тиеш, диде язучы.
Ленар Шәех “Әдәби марафон” асылыбызны саклау өчен көрәшергә ярдәм итә дип саный / Татар теле белән бәйле вазгыять барган чорда берләшергә һәм үзебезнең йөзебезне саклап калу өчен көрәшергә кирәк, диде татар язучысы.
Татарстан көрәшчеләре Идел буе Кубогы ярышларында катнаша / Милли көрәш ярышларында 19 татарстанлы бил алышачак.
