30 декабрьнең төп вакыйгалары - фото һәм сылтамалар
Васил Шәйхразиев татар халкына Яңа ел котлавын ирештерде, Татарстан мөфтие яңа Telеgram каналын булдырган, иртәгә Татарстанда бозлавык булуы көтелә.
В.Шәйхразиев: Милләтебез өчен башкарган уртак эшләребез Яңа елда да уңышлы дәвам итсен/ Татарстан Премьер-министры урынбасары, Милли Шура рәисе Васил Шәйхразиев татар халкына Яңа ел котлавын ирештерде.
Татарстан мөфтие “Һәрбер кеше хафиз була ала” Telеgram каналын булдырган/ Telеgram челтәрендәге әлеге программада көн саен бер дәрес, шул исәптән тәфсирләр дә җибәрелеп торачак.
Казанда Игенчеләр сарае каршында яңа ел күңел ачулары өчен мәйданчык ачылды/ 8 гыйнварга кадәр кунаклар конкурсларда һәм викториналарда катнаша, бүләкләр ала һәм чәй белән сыйлана ала.
Иртәгә Татарстанда бозлавык булуы көтелә/ Төнлә һәм иртән томан һәм бозлавык булуы көтелә, диелгән Гидрометерология үзәге хәбәрендә.
Марат Әхмәтов: Татарстанда 60 елга беренче тапкыр 3 млн тонна чөгендер җыеп алынган/ Соңгы 7 елда Татарстан бөртеклеләрдән иң күп уңыш алган төбәк.
Татарстанда объектларда төзелеш һәм капремонт программасы тәмамланды/ 2018 елда иҗтимагый киңлек проектларын сайлау буенча республикалылар тавыш бирәчәк.
