20 августның төп вакыйгалары - фото һәм сылтамалар
Камил хәзрәт Сәмигуллин Корбан бәйрәме белән котлады, Татарстанда бөртекле һәм кузаклы культураларның 60 проценттан артыгы суктырылды.
Татарстан мөфтие Камил хәзрәт Сәмигуллин Корбан бәйрәме белән котлады / Әлеге мөбарәк бәйрәмебез һәрбер йортка шатлык, иминлек, муллык һәм Аллаһы Тәгаләнең рәхмәтен алып килсен, диелә котлауда.
Ирек Фәйзуллин авария хәлендәге торактан күчерү буенча яңа программа булачагын әйтте / Программаның моннан алдагы версиясе авария хәлендәге торакның бер квадрат метрын 11 мең сумга сатып алу һәм социаль ипотекада катнашуны күздә тота.
Бәкер Акъегетов Пенза өлкәсе татар автономиясе рәисе вазифасыннан китә / Җиһанша Туктаров автономияне җитәкләргә ризалыгын белдергән.
Рафис Борһанов бүгенге заман педагогы ия булырга тиешле сыйфатларны әйтте / Республиканың яшь укытучылары белән очрашу Казанның 180нче гимназиясендә узды.
Фәрит Мөхәммәтшин Татарстан халкын Россия флагы көне белән котлады / Россия Федерациясе Дәүләт флагы көне 22 августта билгеләп үтелә.
Зөлфия Камалованың Казанда һәм Уфадагы концертында, нигездә, татар җырлары яңгыраячак / Җырчы Австралиядән иҗатташ дуслары белән килә.
Татарстанда бөртекле һәм кузаклы культураларның 60 проценттан артыгы суктырылды / Республиканың кайбер районнарында тулаем ашлык җыемы 90 мең тоннадан артып китә.
Анталия татарлары Казанда Муса Җәлилне искә алу чараларында катнашачак / Быел шагыйрьнең һәлак булуына 74 ел тула.
Лима Кустабаева “Казан сөлгесе” фестивалендә катнашканнар үз урыннарын таба ала дип саный / 28-30 август көннәрендә “Казан сөлгесе” III халыкара халык җыр-бию сәнгате фестиваль-конкурсы узачак.
Омск өлкәсе Москаленки бистәсендә мәчет ачылды / Гыйбадәт йортын төзүдә рус милләтеннән булучылар да ярдәм иткән.
“Мәктәпкә җыенырга ярдәм ит” акциясенең бюджеты 8 млн сумны тәшкил итә / Татарстанда хәйрия акциясендә 200дән артык республика оешмасы катнаша.
