16 апрельнең төп вакыйгалары - фото һәм сылтамалар
Айрат Сибагатуллин ТНВ каналының башкарма директоры итеп билгеләнде, Римма Ратникова журналистика өчен кадрлар әзерләүгә карата фикерен белдерде.
Миңнеханов Һиндстанда «Фарма-Сити» фармацевтика кластерын үстерү тәҗрибәсе белән танышкан / ТР Президенты Һиндстанда иң зурлардан саналган дару җитештерү үзәге белән хезмәттәшлек итүгә карата кызыксыну белдергән.
Элеккеге мәдәният министры Айрат Сибагатуллин ТНВ каналының башкарма директоры итеп билгеләнде / Айрат Сибагатуллин яңа вазифаларын башкаруга 23 апрельдә керешәчәк.
Нурбәк Батулла: “Алтын битлек” алгач та дөнья үзгәрмәде / Искәртеп үтәбез, “Әлиф” хореографик спектакле биючесе Нурбәк Батулла заманча балет номинациясендә “Алтын битлек” милли театр премиясенә ия булды.
Римма Ратникова журналистика өчен кадрлар әзерләүгә карата фикерен белдерде / Парламентта журналистлар әзерләү проблемалары турында сөйләштеләр.
КФУда журналистика юнәлеше буенча бюджет урыннар гамәлдән чыгарыла / «Татарстанда бушлай журналист белеме гамәлдән чыгарылганга, максатчан төркем булдырылачак», - диде Илшат Әминов.
Казанга язгы ташу сулары янамый / Көздән һәм иртә язда су ага торган торбалар чистартылган.
Кариев театры артистлары, Казан метросына төшеп, спектакльләргә тамашачылар чакырды / Яңа бинага күчү уңаеннан оештырылган флешмоб Казан халкын битараф калдырмас, дип саный Кариев театры артистлары.
Васил Шәйхразиев: Бездә башкортлар белән бүлешер әйбер юк – дин, тел, Сабан туе бер / Милли Шура рәисе Васил Шайхразиев татар һәм башкортларның уртак чараларын ике милләтне бер-берсенә якынайту, дип саный.
Керәшен яшьләре традицияләрнең югалуына һәм телнең бетүенә борчыла / Константин Алексеев тату гаилә булсын өчен ир белән хатынның диннәре бер булырга тиеш дип саный.
