ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
“Буа театры: диалог киңлегендә” фестивален Сергей Безруков спектакле тәмамлады
Әтнә кызы WorldSkills Russia чемпионатында җиңү яулаган
Дөнья чемпионаты вакытында Казанга автобуслар керү чикләнә
Галимә мәгариф системасының башында торды - Флера Сафиуллинаның дәвамчылары
24 майның төп вакыйгалары - фото һәм сылтамалар

Хәвеф-хәтәр

Казанга язгы ташу сулары янамый

16 апрель 2018, 15:00 , Фото: архив/Рамиль Гали

Казанга язгы ташу сулары янамый Көздән һәм иртә язда су ага торган торбалар чистартылган.

(Казан, 16 апрель, “Татар-информ,” Чулпан Шакирова). Казанга язгы ташу сулары янамый. “Татар-информ”да узган матбугат конференциясендә тармак белгечләре шул хакта әйтте.

“Казан язгы ташудан зыян күрер дип уйламыйм. Нокса елгасы буенча шикләнүләр бар-барын. Әгәр ул ташый икән, бу - кеше гаебе аркасында дигән сүз. Кызганычка, халык көнкүреш калдыкларын елга янына, чокырларга ташлый. Су күтәрелгәндә алар агып төшеп торбаларга тыгылырга мөмкин. Әмма көздән дә, иртә яздан да су ага торган торбалар үз вакытында чистартылды. Быел Вознесение һәм башка бистәләр су астында калмас дип әйтә алабыз. Борисковода кар запасы күп. Температура кинәт күтәрелсә, бистәнең аскы урамнарына су җыелачак. Бу торак-коммуналь идарәсе проблемасы”, – диде Россия Гадәттән тыш хәлләр министрлыгының ТР кризислы ситуацияләрне көйләү үзәге башлыгы Радик Гыйсмәтов.

Искәртеп үтик, Казансу елгасы 1 метрга күтәрелгән. Әмма белгечләр фикеренчә, бу елгалар өчен куркыныч биеклек түгел.

Исегезгә төшерәбез, “Татар-информ” алдарак Татарстанның алты районын язгы ташу баскан, республикада язгы ташуның икенче дулкыны көтелә, Татарстанда язгы ташу вакытында эвакуация таләп ителмәгән һәм Татарстанда 1979 елгы кебек язгы ташу булмаячак дип тә язган иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10