14 ноябрьнең төп вакыйгалары - фото һәм сылтамалар
Татарстан икмәгенең киләчәге матур, Питрәч районы депутатлар кабул итте, Диния нәзарәте туган тел язмышын кайгырта, Казанда фин киносы фестивале була.
Марат Әхмәтов: Татарстан икмәгенең киләчәге бик куәтле һәм матур./ "5 миллион тонна икмәк алу өчен, күпме тузан йотылган, күпме тир тамган!" – ди министр.
Разил Вәлиев Шәле авылы клубы турында: Бу - Камал сәхнәсеннән ким түгел икән./ Шәле - гомер-гомергә кыз урлау белән танылган авыл; әлеге гореф-гадәт монда бүген дә яши.
Татарстанда 100 гаилә фермасы төзеләчәк - министр урынбасары Илдус Габдрахманов./ Бүгенге көндә республикада 1205 гаилә фермасы эшләп килә.
Татарстан Диния нәзарәте татар телен өйрәнү буенча канал оештырды./ Смартфоннар өчен Telеgram хәбәрләшү системасында махсус “Татарский для начинающих” дигән канал аша тиз генә татар сүзләре өйрәнергә мөмкин.
Биектауның 19 яшьлек комбайнчысы: Комбайнга утыру өчен, ышаныч яуларга кирәк иде./ Комбайнчы премия акчасын машина сатып алганда кушарга уйлый.
Казанда Финляндия киносы фестивале уздырыла./ 15-19 ноябрьдә “Мир” кинотеатрында фин фильмнарын карарга мөмкин булачак.
"Татар-информ" фотохәбәрчесе Татарстанның мәдәният министрына тәкъдим белән чыкты./ Фотограф республикада фотолар музее төзергә кирәклеге хакында әйтте.
