ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Хоккейчыларны теләкләре булмауда шелтәли алмыйм – Зиннәтулла Билалетдинов
Түбән Кама һәм Кукмара районнары Кытай провинцияләре белән хезмәттәшлекне үстерәчәк
Соңгы 20 елда татарларның дини кызыксынулары арткан - халыкара конференция нәтиҗәсе
"Ак Барс" хоккейчылары Мәскәүдә ЦСКА командасына оттырды
Казанда “Таян Аллага” татар әдәби конкурсы игълан ителде

Авыл

Татарстанда 100 гаилә фермасы төзеләчәк - министр урынбасары Илдус Габдрахманов

14 ноябрь 2017, 19:28

Татарстанда 100 гаилә фермасы төзеләчәк - министр урынбасары Илдус Габдрахманов Бүгенге көндә республикада 1205 гаилә фермасы эшләп килә.

(Казан, 14 ноябрь, «Татар-информ», Эльвира Шакирова). Бүгенге көндә республикада 1205 гаилә фермасы эшләп килә, тагын 100 яңа гаилә фермасы төзелә. Бу хакта бүген Татарстан Респуликасы Дәүләт Советында узган утырышта Татарстан Республикасының авыл хуҗалыгы һәм азык-төлек министры урынбасары Илдус Габдрахманов хәбәр итте.

Илдус Габдрахманов 2013-2020 елларда авыл хуҗалыгын үстерү һәм әлеге тармак продукция базарын көйләү өчен кабул ителгән дәүләт программасының 2017 елның 9 аена нәтиҗәләре турында сөйләде. Аның әйтүенчә, быел әлеге программага 12268,5 млн. сум акча, шул исәптән федераль бюджеттан бирелгән 5586,7 млн.сум тотылган.

“Гаилә фермалары карамагында 151 мең гектар җир бар. Ферма эшчәнлегенә якынча 3 мең авыл кешесе җәлеп ителгән. Гаилә фермерларына төрле өлкәдә ярдәм күрсәтелә. Мәсәлән, ярты бәядән технологик җиһазлар тәкъдим ителә, ферма территориясе төзекләндерелә, юллар төзелә”, - ди Илдус Габдрахманов. Фермерлар өчен оештырылган төрле бәйгеләрдә 120ләп җиңүче билгеләнгән, аларга акчалата бүләк тапшырылган.

Быел авыл хуҗалыгы җитештерүчеләренең продукция күләме узган елның 9 ае белән чагыштырганда, 104,2 процентка арткан. Илдус Габдрахманов сүзләренчә, агымдагы елда бөртекле культура югары уңышлары белән сөендерсә дә, ашлыкның сыйфаты начар булган. Шуңа да уңыш җыюга ике атнага соңга калып керешкәннәр.

«Уңышны иминиятләштерү буенча берникадәр дәрәҗәдә үзгәрешләр бар. Россия Банкының “тикшерүе”ннән соң, бездә эшләүче 24ләп оешма лицензиядән мәхрүм калды. Дәүләт ягыннан да ярдәм кимеде – “Бердәм субсидия” кысаларында үсемлекчелекне иминиятләштерүгә 90 млн. сум акча каралган, аның 60 проценты тотылды”, - дип белдерде Илдус Габдрахманов.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр