13 гыйнварның төп вакыйгалары - фото һәм сылтамалар
Бүген Россия матбугаты көне билгеләп үтелә, Яшел Үзән заводы киләсе 10 елда дәүләт оборона заказын үтәячәк, керәшен йолдызлары гала-концерт куйды.
Фәрит Мөхәммәтшин журналистларны Россия матбугаты көне белән котлады./ Татарстан Республикасы Дәүләт Советы рәисе котлавында - каләмегез үткен булсын, иҗади уңышлар, күтәренке рух, бәхет һәм исәнлек-саулык телим, диелә.
Марат Әхмәтов авыл хуҗалыгы күрсәткечләре буенча районнар рейтингын тәкъдим итте./ Рейтинг министрның узган ел Министрлар Кабинетында атналык киңәшмәләрдә чыгыш ясау нәтиҗәләре буенча төзелгән.
Яшел Үзәннең Горький исемендәге заводы 10 елга оборона заказы белән тәэмин ителәчәк./ Бу хакта Горький исемендәге заводта яңа патруль корабле төзелеше башлану тантанасында РФ оборона министры урынбасары Юрий Борисов хәбәр итте.
16 гыйнварда Татарстан мөселманнары Мәрҗанине искә алачак./ Галимнең туган көне уңаеннан республикада күпләгән чаралар үткәрү ниятләнә.
Керәшеннәрнең "Туым җондозы" фестиваленең гала-концерты башланды./ Быел әлеге чара конкурс итеп түгел, ә төрле елларда җиңү яулаган катнашучыларның юбилей концерты буларак оештырылды.
