news_header_top_970_100
16+
news_header_bot_970_100

Зур театрда дирижер Фоат Мансуров белән хушлашалар

Аны Мәскәүнең Троекуровски зиратында җирлиләр

(Казан, 18 июнь, «Татар-информ»). Бүген Мәскәүнең Дәүләт академия зур театрында танылган дирижер, Россиянең халык артисты Фоат Мансуровны соңгы юлга озаталар. Ул 12 июньдә 82 яшендә якты дөнья белән хушлашты.
Фоат Мансуров үзенең таланты белән халыкны таң калдыра. Ул математик, публицист була, берничә чит телне белә, альпинизм һәм тимераякта зур тизлек белән шуу спорты мастеры, Казахстанның шахматлар буенча чемпионы була. Музыка сәнгатендә күрсәткән хезмәтләре өчен Фоат Мансуров Кызыл Хезмәт Байрагы, “Мактау билгесе”, Халыклар дуслыгы орденнары белән бүләкләнә.
Фоат Мансуров 1928 елның 10 гыйнварында Алма-Ата шәһәрендә туа. Казах дәүләт университетын,“оркестр дирижеры” белгечлеге буенча Алма-Ата дәүләт консерваториясен , Мәскәү дәүләт консерваториясе аспирантурасын тәмамлый. Аннары Казакъстанның һәм Татарстанның төрле оркестрларында дирижерлык иткән. Мәскәү дәүләт консерваториясендә белем биргән.
Бүген Зур театрда дирижер Фоат Мансуров белән хушлашалар. Аны Мәскәүнең Троекуровски зиратында җирлиләр, дип белдерә ИТАР-ТАСС.

autoscroll_news_right_240_400_1
autoscroll_news_right_240_400_2
news_bot_970_100