Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Зуля Камалова Казанда Йолдыз Миңнуллина шигырьләренә язылган альбомын тәкъдим итә
Камал театрында җырчының "Алты көн ярату" альбом презентациясе бара.
(Казан, 23 декабрь, "Татар-информ", Рузилә Мөхәммәтова). Зөлфия Камалованың "Алты көн ярату" альбомының презентациясендә Йолдыз Миңнуллинаның шигырьләре җыр форматында да, шигырь буларак та яңгырады. Камал театрында бүген аншлаг белән Зөлфия Камалова җырлый.
Австралиядә яшәп иҗат итүче татар җырчысы Зуля Камалова Йолдыз Миңнуллинаның шигырьләренә альбом иҗат итте. Альбомның Казан презентациясе 30 августта Tat cult fest фестивале кысаларында Казан Кремле территориясендә булган иде.
Концертның беренче өлешендә альбомдагы җырлар башкарылса, икенче өлешендә Зуля Камалова тамашачыга таныш җырларын башкарды. Концертның беренче махсус кунагы шигырьләр авторы Йолдыз Миңнуллина иде. Ул музыкага шгырьләрен укыды.
Концертның махсус кунаклары - Сәйдә Мөхәммәтҗанова, Рәдиф Кашапов. Алар Зуля Камалова белән дуэтта җырладылар.
Камал театры залында ТР Мәдәният министры Ирада Әюпова, Камал театрының баш режиссеры Фәрит Бикчәнтәев һәм башкалар бар. Тамашачы арасында мәдәни чараларның бик сирәк кунагы Мубайны (Илдар Мөбәрәкшин) да күрергә мөмкин булды.
Кызыклы яңалыкларны күзәтеп бару өчен Телеграм-каналга язылыгыз