Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россия башкаласында XXIII Мәскәү халыкара Коръән укучылар бәйгесе башланды
Россия Федерациясе мөселманнары Диния нәзарәте рәисе, баш мөфти шәех Равил Гайнетдиннең хәер-фатихасы белән Мәскәү Җәмигъ мәчетендә елның мөһим рухи вакыйгаларыннан берсе — XXIII Мәскәү халыкара Коръән укучылар конкурсы башланды. Бу хакта Россия Мөфтиләр шурасының матбугат хезмәте хәбәр итә.
РФ мөселманнары Диния нәзарәте тарафыннан Мөхәммәд Бин Зәйд (Берләшкән Гарәп Әмирлекләре) Гуманитар фәннәр университеты белән хезмәттәшлектә оештырылган чара 30 илдән Коръәнне иң оста укучыларны җыйды, алар «Тиләвә» номинациясендә (Изге Коръәнне кәгазьдән матур итеп уку) ярышачак.
РФ мөселманнары Диния нәзарәте рәисе урынбасары Рушан хәзрәт Әббәсов сәламләү сүзендә катнашучыларга һәм кунакларга Россия мөселманнарының рухи лидеры, баш мөфти шәех Равил Гайнетдин исеменнән җылы сәламләү сүзләрен җиткерде, Мәскәүнең инде ике дистә елдан артык бөтен дөньядан килгән иң яхшы Коръән укучыларны кабул итүен, бу көннәрдә рухи бердәмлек һәм туганлык башкаласына әверелүен билгеләп үтте.
Аның искәртүенчә, Мәскәү халыкара Коръән укучылар конкурсы Изге Китапны матур һәм төгәл итеп уку ярышы гына түгел, ә төрле илләрдәге мөселманнар арасында дуслык җепләрен ныгыту, тынычлык, татулык һәм үзара аңлашу идеалларын раслау өчен мөһим мәйданчыкка да әверелде.
Кызыклы яңалыкларны күзәтеп бару өчен Телеграм-каналга язылыгыз