news_header_top
16+
news_header_bot
news_top

Чаллыда яшәүче хатын-кызның трамвайда 87 мең сум акчасын урлаганнар

Чаллыда яшәүче хатын-кызның трамвайда барганда 87 мең сум акчасын урлаганнар.

ТР буенча Эчке эшләр министрлыгында хәбәр итүләренчә, 28 яшьлек хатын-кыз трамвайда каптырмаган сумка белән барган. Моны билгесез кеше күреп алган һәм сумкадан акча, зәркән әйберләрен урлаган. Хатын-кыз үзе бу вакытта берни дә сизмәгән һәм әйберләре югалуын өенә кайтканда гына күреп алган. Шуннан соң полициягә хәбәр иткән.

Җинаять эше кузгатылган, җинаятьченең шәхесен тиз ачыклаганнар - ул элегрәк дә берничә тапкыр хөкем ителгән 38 яшьлек эшсез ир-ат булып чыккан. Хуҗа хатынга урланган әйберләрнең бер өлешен (10 мең сумга якын акча һәм алтын балдак) кире кайтарганнар.

news_right_1
news_right_2
news_bot